रे मन हरि सुमिरन कर लीजिए Re Man Hari Sumiran Kar Lejiye hindi bhajan lyrics in hindi
(राग:मालकौंस)
रे मन हरि सुमिरन करि लीजे।
हरि को नाम प्रेमसों जपिये,
हरि रस रसना पीजै।
हरि गुन गाइय, सुनिये निरंतर,
हरि-चरनन चित दीजै।
रे मन हरि सुमिरन करि लीजे।
हरि-भगतन की सरन ग्रहन करि,
हरि सँग प्रीत करीजै।
हरि-सम हरि जन समुझि मनहिं मन,
तिनकौ सेवन कीजै।
रे मन हरि सुमिरन करि लीजे।
हरि केहि बिधिसों हमसों रीझै,
सो ही प्रश्न करीजै।
हरि-जन हरिमारग पहिचान,
अनुमति देहिं सो कीजै।
रे मन हरि सुमिरन करि लीजे।
हरि हित खाइये, पहिरिये हरिहित,
हरिहित करम करीजै।
हरि-हित हरि-सन सब जग सेइय,
हरिहित मरिये जीजै।
रे मन हरि सुमिरन करि लीजे।
0 टिप्पणियाँ