वानर बांको रे लंका नगरी में मच गयो हाको रे भजन लिरिक्स || wanar banko re lanka nagri me mach gayo hamko re bhajan lyrics -
(भजन)
वानर बांको रे
लंका नगरी में।
मच गयो हाको रे
बानर बांको रे ॥
मात सिया यूं बोली रे बेटा
फ़ल खाजे तू पाको रे...
इतने माही कूदा हनुमत
मार फ़दाको रे....वानर ।।टेर।।
रुख उखाड़ पटक धरती पर
भोग लगायो फ़लां को रे...
रखवाला जब पकडन लाग्या
दियो झडाको रे....वानर ।।टेर।।
राक्षसिया अरडावे सारा
काल आ गयो माको रे
मुँह पर मार पड़े मुक्के की...
फ़ाडे बाको रे....वानर ।।टेर।।
उजड पडी अशोक वाटिका
ज्यूं मारग सडकां को रे...
उथल पुथल सब करियौ बगिचो
बिगड़ियो खाको रे....वानर ।।टेर।।
जाय पुकार करी रावन स्यूं
दिन खोटो असुरां को रे..
कपि आय एक घुस्यो बाग में
गजब लडाको रे....वानर ।।टेर।।
भेज्यो अक्षय कुमार लड़न ने
हनुमत स्यामी झांक्यो रे..
एक लात की पडी असुर के
पी गयो नाको रे....वानर ।।टेर।।
धन धन रे रघुवर का प्यारा
अतुलित बल है थांको रे...
तु ही जग में मुकुटमणी है
सब भक्तां को रे....वानर ।।टेर।।
0 टिप्पणियाँ