सांवरिया सेठ दे दे,
मंडपिया रा मालिक दे दे।
थारे भरियो छे भंडार,
टोटो काई बात को।
सांवरिया सेठ .....
कठे रे जाग्यो ने,
कठे उपनियो रे। सांवरिया।
कुण रे लड़ाया थारा लाड रे,
राधा का रसिया के दे।
थारे भरियो छे भंडार,
टोटो काई बात को।
सांवरिया सेठ .....
मथुरा जाग्यो ने,
गोकुल उपनियो रे। सांवरिया।
यसोदा लड़ाया माने लाड रे,
नन्द जी की गोदिया खेल्यो।
थारे भरियो छे भंडार,
टोटो काई बात को ।
सांवरिया सेठ .....
मारे खाबा ने,
कोने आलणी रे। सांवरिया।
आप तो आरोगो छप्पन भोग रे,
मने एक निवालो देदो।
थारे भरियो छे भंडार,
टोटो काई बात को ।
सांवरिया सेठ.....
मारे रेबा ने,
कोने झुपड़ी रे। सांवरिया।
आप तो बिराजिया महला मायने ,
मने एक ओवरो देदो।
थारे भरियो छे भंडार,
टोटो काई बात को।
सांवरिया सेठ .....
कस्या सेठा ने जावा,
जांचबा रे। सांवरिया।
आप के भरिया छे भंडार,
मने एक रुपियो देदे।
थारे भरियो छे भंडार,
टोटो काई बात को ।
सांवरिया सेठ .....
सांवरिया सेठ दे दे,
मंडपिया रा मालिक दे दे।
थारे भरियो छे भंडार,
टोटो काई बात को ।
सांवरिया सेठ .....
0 टिप्पणियाँ